Shkup, 6 dhjetor 2024 (MIA) – Autobusët e transportit publik të hënën për shkak të festës shtetërore Shën Klimenti i Ohrit do të qarkullojnë sipas itinerarit të së dielës, njoftojnë nga Ndërmarrja e Qarkullimit Publik. 

“NQP SHKUP i njofton udhëtarët e saj se të hënën (09.12.2024), për shkak të festës shtetërore Shën Klimenti i Ohrit autobusët nga transporti publik do të qarkullojnë sipas itinerarit të së dielës. Teleferiku do të funksionojë si zakonisht, me orar të punës prej orës 10 deri në orën 18, me çka prej orës 17-17:30 është vozitja e fundit prej poshtë drejt majës, ndërsa në orën 17:45 është vozitja e fundit prej majës poshtë”, bëjnë të ditur në kumtesë. fc/

Fotografia: Arkivi i MIA-s