Njukasëll, 2 nëntor 2024 (MIA) - Në ndeshjen e parë të xhiros së dhjetë të kampionatit anglez në futboll, Njukasëll në terren vendor e mposhti sot pasdite Arsenalin me rezultat 1-0 (1-0).

Shënues i golit të vetëm të ndeshjes ishte Isak në minutën 12-të, kur me kokë në mënyrë të shkëlqyeshme e rikahëzoi shtimin e Gordonit në rrjetë.

Me këtë fitore Njukasëll kërceu në vendin e tetë me 15 pikë, tre më pak se Arsenali në vendin e tretë, i cili të tretën xhiro me radhë është pa fitore.

Mançester Siti është në krye me 23 pikë, një më shumë nga Liverpulli që është në vendin e dytë. ab/

foto: Fejsbuk