Shkup, 17 korrik 2024 (MIA) - Gjatë ditës së sotme, në koordinim me të gjitha organet kompetente, pjesëmarrëse në shuarjen e zjarrit, Armata me më shumë se 100 pjesëtarë drejtpërdrejtë të angazhuar të Batalionit të dytë këmbësorik, kanë marrë pjesë në shuarjen e zjarrit në disa lokacione në zonën e gjerë të Sertës.

"Grupi, i cili gjatë ditës së djeshme është përfshirë në vendosjen nën kontroll të zjarrit në rrethinën e Radovishit, në lokacionin Porekata, sot ka vazhduar në të njëjtën rajon, ndërsa grupet tjera janë angazhuar në zonën e fshatrave Dragoevë dhe Shtrakalevë drejt poligonit Krivollak dhe vendit nga Pepelishtja drejt Sertës", kumtuan nga Shtatëmadhoria e Armatës.

Në shuarjen nga ajri, dy helikopterët nga VING-u i aviacionit kanë kryer 14 fluturime dhe kanë hedhur 28 tonë ujë. Njëheri, përmes qendrës operative, thuhet në kumtesë, pjesëtarët e VING-ut ndihmojnë në koordinimin e aktiviteteve të fluturimit të helikopterëve nga Turqia, Sllovenia, Serbia dhe Mali i Zi.

Si masë parandaluese, është formuar ekip në gjendje gatishmërie, i cili nëse ka nevojë për angazhim në rajonin e poligonit Krivollak, do të përfshihet me kohë në shuarjen e zjarreve. rq/bsh/

Foto: SHM e ARM-së