Shkup, 17 mars 2025

Aleanca për Shqiptarët ka njoftuar se do të organizojë homazhe në nderim të viktimave të tragjedisë në Koçan. Ceremonia do të mbahet sot, në ora 15:00, në Sheshin Iliria në Tetovë.

Në këtë ngjarje përkujtimore janë ftuar të marrin pjesë të gjithë funksionarët partiakë dhe qeveritarë, deputetët, anëtarët e Kryesisë, si dhe organet partiake dhe të gjithë ata që dëshirojnë të shprehin respektin dhe solidaritetin e tyre me familjet e viktimave.

Aleanca për Shqiptarët shpreh ngushëllimet e saj më të thella për familjet e prekuara dhe qëndron pranë tyre në këto momente të rënda. 

ASH

_________________________________________________________________________

MIA këto tekste i publikon në formën integrale dhe origjinale dhe nuk mban përgjegjësi për përmbajtjen e tyre dhe as për mangësitë eventuale drejtshkrimore apo gabimet e shtypit.