Shkup, 22 shtator 2023 (MIA) - Parandalimi i krimeve pronësore, mbrojtja e pyjeve nga zjarret dhe siguria në komunikacion ishin në fokus të aktiviteteve parandaluese të djeshme të mbajtura në zonat e Sektorëve të Punëve të Brendshme Manastir, Veles, Shtip, Tetovë.

Siç informojnë sot nga MPB, në zonën e SPB Manastirit, më saktësisht në komunën e Novacit, zyrtarët policorë kanë këshilluar qytetarët lidhur me mbrojtjen dhe parandalimin e formave të ndryshme të krimeve pronësore (vjedhje, grabitje, mashtrime), ndërsa në Resnjë, në bashkëpunim me Policinë Pyjore, takime me qytetarët për mbrojtjen e pyjeve nga zjarret, ndërsa në Krushevë policët theksuan parandalimin e përdorimit të armëve dhe mjeteve piroteknike ilegale gjatë festimeve.

"Edhe në zonën e SPB Shtip, gjegjësisht në Koçan, është realizuar një aktivitet parandalues ​​në kuadër të fushatave 'MPB për qytetarët' dhe 'Siguria e qytetarëve - përgjegjësia jonë', me qëllim të njohjes dhe edukimit të qytetarët për mbrojtjen nga krimet pronësore. Gjithashtu, edhe në Tetovë, nëpunësit policorë të SPB Tetovë kanë zhvilluar aktivitete në lokacione rreth tregut të qytetit, gjegjësisht biseda me shitës, pronarë të shitoreve koloniale dhe qytetarë për mënyrat e mbrojtjes dhe njohjes së krimeve pronësore dhe rëndësia e bashkëpunimit dhe komunikimit me policinë", bëhet e ditur në kumtesë.

Në rajonin e SPB Veles, më saktë në Kavadar për nxënësit e klasave të dyta të shkollës fillore komunale "Strasho Pinxhur", në bashkëpunim me Këshillin komunal për Siguri në Komunikacionin në Rrugë u mbajt punëtori edukative, ndërsa në drejtim të mbrojtjes së fëmijëve si këmbësorë - pjesëmarrës në komunikacion. fc/

Fotografitë: MPB