Aktakuzë për pesë persona në lëndën "Gërçec, për të tjerët procedura do të vazhdojë pas sigurimit të tyre
- Pas kryerjes së një procedure hetimore gjithëpërfshirëse që është zhvilluar që nga fillimi i këtij viti në rastin "Gërçec", prokurori në fjalë nga Prokuroria Themelore Publike për Ndjekjen e Krimit të Organizuar dhe Korrupsionit sot ka dorëzuar aktakuzë kundër pesë personave në Gjykatën Themelore Penale-Shkup.
- Post By Sara Ademi
- 13:52, 16 korrik, 2024
![Aktakuzë për pesë persona në lëndën](https://mia.mk/images/20240716135206_big_730x400_78.webp )
Shkup, 16 korrik 2024 (MIA) - Pas kryerjes së një procedure hetimore gjithëpërfshirëse që është zhvilluar që nga fillimi i këtij viti në rastin "Gërçec", prokurori në fjalë nga Prokuroria Themelore Publike për Ndjekjen e Krimit të Organizuar dhe Korrupsionit sot ka dorëzuar aktakuzë kundër pesë personave në Gjykatën Themelore Penale-Shkup.
Siç thekson Prokuroria, sipas përshkrimit të cituar në pjesën e parë të dispozitivit të aktakuzës tre të pandehurit si pjesëtarë të grupit kriminel ndërkombëtar të organizuar kanë kryer vepër penale Prodhimtari të paautorizuar dhe lëshim në qarkullim të drogave narkotike, substancave psikotrope dhe prekursore nga neni. 215 fq.3 i Kodit Penal. Ata si pjesëtarë të grupit të organizuar kriminel ndërkombëtar, së bashku me persona tjerë nga të cilët një pjesë dyshohen në lidhje me lëndën dhe janë të paarritshëm për organet e ndjekjes, një pjesë kanë vdekur, ndërsa një pjesë janë dënuar, kanë vepruar së bashku, secili në rolin e tij të furnizimit të paautorizuar, transferimit, mbajtjes, shitjes dhe ndërpmjetësimit në shitblerje. Në disa raste gjatë vitit 2020 tre të pandehurit janë përfshirë në blerë të paautorizuar të 15,005 kilogramëve drogë narkotike - kokainë, transferimin dhe lëshimin e saj në qarkullim në shtet.
Grupi kriminel ndërkombëtar, anëtarë të të cilit janë të pandehurit, ka vepruar në periudhën kohore prej datës 14.06.2019 deri më datë 09.03.2021, gjatë së cilës në disa raste ka kryer blerjen e paautorizuar të lëndës narkotike – kokainë nga vendet e Amerikës së Jugut, duke organizuar transferimin përmes rrugëve ujore në vendet evropiane. Transferimi i paautorizuar i lëndës narkotike - kokainë e destinuar për shitje të paautorizuar në Republikën e Maqedonisë nga Mbretëria e Belgjikës dhe nga Republika e Shqipërisë përmes Kosovës është organizuar nga njëri prej të dyshuarve të rastit - i paarritshëm për organet e rendit i cili është organizator i grupit në Republikën e Maqedonisë së Veriut.
Dy të pandehurit e tjerë akuzohen se kanë kryer vepra penale, Shoqata kriminele nga neni.394 fq.3 dhe Brasje nga neni.123 fq.2. p.5 e Kodit Penal. Gjegjësisht në periudhën kohore nga dhjetori i vitit 2019 deri në mars të vitit 2021, organizatori i dyshuar i grupit kriminel të lartpërmendur i cili është në arrati, së bashku me një person tjetër i paarritshëm për organet e ndjekjes dhe dy të vdekur kanë krijuar një grup kriminal i cili ka pasur për qëllim kryerjen e veprës penale hakmarrje dhe vrasje me porosi. Pjesëtarë të grupit përveç dy të vdekurve u bënë edhe dy të dyshuarit në lëndë - të paarritshme për organet e ndjekjes, si dhe dy të akuzuarit. Organizatorët e grupit kriminel kanë përgatitur plane dhe kanë marrë vendime për atë se kush, kur, ku dhe në ç'farë mënyre të privohet nga jeta. Vendimet i kanë marrë personalisht ose përmes pjesëtarëve të grupit kriminel të organizuar, të cilët i kanë pranuar dhe zbatuar, ndërsa marrëveshjet, urdhëresat dhe udhëzimet janë rikahëzuar në kontakte të drejtpërdrejta ose përmes telefonave të koduar në të cilën është konstatuar aplikacioni "SKY". Kështu, organizatorët, në bazë të njohurive të mëparshme në të cilat ishin të bindur plotësisht, se një person dyshohet se ka qenë pjesëmarrës dhe udhëheqës në shkëmbimin e zjarrit në hotelin "Aleksandar Palas" në Shkup, ku disa nga anëtarët e grupit janë qëlluar me armë zjarri, filluan të bëjnë planin për t'i marrë jetën personit. Pasi morën vendimin për ta vrarë, ata angazhuan dy të pandehurit dhe një person tjetër tashmë të ndjerë, duke u dhënë urdhër që të ndiqnin lëvizjet e tij. Pas disa tentativave të pasuksesshme më datë 05.03.2020, të pandehurit dhe tashmë i ndjeri, duke përdorur aparate sinjalizuese drite – flasher, kanë ndaluar veturën në të cilën ndodhej personi që ishte objektivi i tyre me tre persona të tjerë dhe e kanë vrarë me automatik dhe pistoletë, megjithatë duke vrarë edhe një person i cili ishte i ulur pas tij.
Me aktakuzë, prokurori në fjalë ka paraqitur edhe propozim të veçantë për të pandehurit për vazhdimin e paraburgimit për shkak të mundësisë që të pandehurit të ikin apo të përsërisin veprën penale. sa/
foto: Arkivi i MIA-s