За неделен ручек/вечера, вреди да се проба, многу вкусно и брзо приготвено

         Состојки:

• За ќофтиња :
• 300 грама мелено месо
• 50 грама ориз
• 20 грама презла
• сол, бибер, сува пиперка
  За готвење:
• 4 големи лажици масло
• 1 голем кромид
• 1 голем морков
• 5 компири (480 грама)
• 100 грама пире од домати
• 1 литар  топла вода
• сув зачин, рузмарин, сува пиперка
• 1 жолчка
• 3 лажици брашно
• 2 лажици вода

Подготовка:

Измешајте го месото со оризот (добро измиен и исцеден) и презлата, зачинете со сол, црн бибер и сува пиперка. Од смесата формирајте 20 мали ќофтиња. Во голем сад загрејте го маслото и прво пржете ги ќофтињата, мешајќи ги нежно, околу 5 минути, додека не поруменат убаво од сите страни. Додадете го ситно исецканиот кромид, морковот, доматното пире и компирите(исечени на коцки) и оставете ги да крчкаат околу 10 минути. Додадете ја течноста, веднаш зачинете со сув зачин, рузмарин, сува пиперка, магдонос или по вкус.Оставете да крчка покриено на средна температура. По 30-35 минути (кога компирите ќе се сварат) додадете ја претходно измешаната смеса од жолчка, вода и брашно во јадењето, оставете да се готви уште 5 минути и добро измешајте. Сервирајте топло.

Фото:Фрипик