Париз, 4 октомври 2024 (МИА) – Француската влада денеска побара од универзитетите да ги спречат сите ризици од можни немири на 7 октомври, годишнината од терористичкиот напад на Хамас врз Израел, по што избувна војната во Газа и „силно“ ги осуди неодамнешните пропалестински демонстрации на универзитетите во Париз.

Во писмото испратено до претседателите на универзитетите и колеџите, новиот француски министер за високо образование, Патрик Хецл, ги предупреди на нивната одговорност да го „одржуваат редот“.

Тој ги потсети дека тие се законски одговорни за одржување на редот и безбедноста во нивните институции и оти треба да ги искористат своите овластувања за да спречат ризик од нереди, да воспостават ред и да ги заштитат патроните и персоналот.

Тие, исто така, се потсетуваат да пријават до судските органи за некои дејствија што можат да претставуваат кривично дело или прекршок.

Пропалестински демонстрации се одржаа во вторник и четврток пред Универзитетот Сајнс По во Париз.

Протести се одржаа и вчера во просториите на Националниот институт за ориентални јазици и цивилизации (ИНАЛКО) во Париз, соопшти Министерството.

Министерот Хецл во соопштението рече дека цврсто ги осудува оние постапки кои се против принципот на неутралност и секуларноста на високото образование како јавен сервис. јт/

Фото: ЕПА