Лондон, 30 јануари 2025 (МИА) – Извршниот директор на Формула 1 тимот Мерцедес, Тото Волф, ги сподели своите чувства за заминувањето на Хамилтон во Ферари.

За фотографиите на Хамилтон во опрема на Ферари за време на неговата прва посета на Маранело, волф вели: „Малку е како да сте се развеле спогодбено, се да ви оди добро, а потоа сте ја виделе поранешната девојка со друг дечко“.

Сепак Волф му посака среќа на поранешниот пилот на Мерцедес.

- Се радувам за Луис и самиот му реков дека тие фотографии се навистина иконски. Што се однесува до перспективите на Мерцедес, минатата година моравме да размислуваме како да го подобриме болидот, особено на почетокот на сезоната. Како и другите тимови, имавме подеми и падови, со некои трки каде што бевме дури и доминантни, а некои каде што не изгледавме толку добро. Но, на крајот позицијата на тимот ќе се суди само кога официјалниот претставник ќе го вее знамето и ќе ги започне квалификациите за Големата награда на Австралија, истакна Волф.

Сезоната 2025 во Формула 1 ќе почне во средината на март со етапата во Австралија. зс/ 

Фото: ЕПА