Руски ловец Су-34 се урна во регионот на Волгоград, екипажот се катапултира
- Ловец Су-34 на руските воздухопловни сили се урна денеска во регионот на Волгоград, а екипажот успеал да се катапултира, соопшти руското Министерство за одбрана.
![Руски ловец Су-34 се урна во регионот на Волгоград, екипажот се катапултира](https://mia.mk/images/20240727153220_big_730x400_90.webp )
Москва, 27 јули 2024 (МИА) – Ловец Су-34 на руските воздухопловни сили се урна денеска во регионот на Волгоград, а екипажот успеал да се катапултира, соопшти руското Министерство за одбрана.
Според соопштението, авионот се урнал за време на планиран тренинг лет.
Се додава дека екипажот е надвор од животна опасност.
Се нагласува дека летот бил изведен без муниција, а ловецот паднал во напуштена област, па не е причинета материјална штета.
Руското Министерство за одбрана наведе дека прелиминарната причина за инцидентот е техничка неисправност. јт/
Фото: МИА архива