Скопје, 6 јануари 2025 (МИА) - Полициски службеници од СВР Тетово вчера во 15.00 часот во с.Брвеница, го привеле Т.М.(41), жител од ова тетовко село кој се барал за издржување затворска казна.

Како што соопшти МВР, тој бил баран по потерница врз основа на судска наредба за издржување на казна затвор во траење од една година и пет месеци за сторено кривично дело „загрозување на сигурноста“ при семејно насилство по член 144 став 2 од Кривичниот законик.

Лицето било спроведено во Казнено – поправната установа Затвор Идризово за издржување на казната. вг/бак/

Фото: МИА Архива