• e mërkurë, 05 shkurt 2025

Пратеникот на Трамп за Блискиот Исток ја нарече временската рамка за обнова на Газа „бесмислена“

Пратеникот на Трамп за Блискиот Исток ја нарече временската рамка за обнова на Газа „бесмислена“

Вашингтон, 4 февруари 2025 (МИА) – Пратеникот на американскиот претседател Доналд Трамп за Блискиот Исток, Стив Виткоф денеска изјави дека временската рамка од три до пет години за обнова на Газа, како што е наведено во привремениот договор за прекин на огнот, не е одржлива, додека американската администрација го повтори својот повик до арапските нации привремено да ги населат раселените Палестинци на териториите зафатени од војна.

- За мене е неправедно да им се објаснува на Палестинците дека тие би можеле да се вратат за пет години. Тоа е едноставно бесмислено, рече Виткоф.

Повторениот повик на администрацијата на Трамп до арапските земји да ги примат раселените Палестинци доаѓа во момент кога Трамп треба да се сретне со израелскиот премиер Бенјамин Нетанјаху во Белата куќа подоцна денеска.

Египет и Јордан, како и другите арапски земји, остро ги отфрлија повиците на Трамп за преселување на 2,3 милиони Палестинци од територијата. јт/

Фото: МИА архива

QËNDRONI TË LIDHUR