Исламабад, 12 март 2025 (МИА) - Најмалку 155 од повеќе од 450 патници во возот што вчера беше нападнат од пакистански сепаратисти во провинцијата Белуџистан се ослободени, соопштија безбедносните сили.

Тие прецизираа дека се убиени 27 напаѓачи.

Повеќе од 20 часа пакистанските трупи се обидуваат да ослободат стотици патници земени како заложници од милитантите на Ослободителната војска на Белуџистан, главната сепаратистичка група во најсиромашната пакистанска провинција, но богата со нафта и минерали.

Вчера групата ги разнела шините за да го блокира возот Џафар експрес кој од Квета патувал кон градот Пешавар. мс/

фото: МИА архива