Скопје, 21 јануари 2025 (МИА) - Во Националната опера и балет (НОБ) вечерва ќе биде изведена балетската претстава за деца „Доктор Офболи“.

Од НОБ информираат дека оваа класична балетска сказна ја прикажува вечната борба помеѓу доброто и злото, во која, како и секогаш, доброто ќе победи. Претставата ја плени најмладата публиката со прекрасната музика, живописните костими и сценографија и децата ја следат со големо воодушевување.

Кореографијата е на познатиот балет-мајстор од Русија, Михаил Крапивин, музиката на Игор Морозов, а работена е според сказната на К. Чуковски Сценографијата и костимите се дело на Живојин Трајановиќ и Марија Пупучевска.

Во претставата настапуваат солисти и балетскиот ансамбл на Националната опера и балет, кои ќе ја пренесат оваа возбудлива приказна на сцената. фф/бак/

Фото: НОБ