Манчестер, 9 јануари 2025 (МИА) - Манчестер јунајтед објави продолжување на договорот со фудбалерот Амад Диало.

Договорот е со важност до 30 јуни 2030 година. Дваесет и двегодишниот репрезентативец на Брегот на Слоновата Коска му се приклучи на Манчестер јунајтед од Аталанта во јануари 2021 година.

- Многу сум горд што го продолжив договорот со клубот. Имав неколку неверојатни моменти овде, но има уште многу да одработам. Сакам да испишам историја во Манчестер јунајтед, изјави Диало по потпишувањето на договорот.

Во тековната сезона тој има шест гола и седум асистенции на 28 натпревари за премиерлигашот од „Олд Трафорд“. зс/

Фото: ЕПА