Малолетник уби едно дете во напад со нож во училиште во Русија, неколкумина повредени
Москва, 16 декември 2025 (МИА) - Сериозен и трагичен инцидент се случил во училиште во Московскиот регион утрово кога малолетник со нож нападнал луѓе во образовната институција. Петнаесет-годишник е уапсен во селото Горки, во близина на Москва, откако е осомничен за убиство на десет-годишно момче. Тешко ранил уште тројца ученици и еден обезбедувач, во напад врз училиште.
Според достапните информации, тинејџерот Т.К. е ученик во деветто одделение во училиштето. Тој го започнал нападот така што дошол вооружен, прво го испрскал обезбедувањето со спреј, а потоа го прободел со нож. Потоа влегол во училиштето и почнал да ги напаѓа децата.
Медиумите известуваат дека напаѓачот имал фантомка на главата и носел бела маица со црн натпис „Ниеден живот не е важен“. Сè уште не е познато дали ги нападнал децата случајно или имал однапред одредени цели.
Едно момче починало од повредите, додека уште тројца ученици биле тешко повредени. По нападот, кога полицијата веќе била во училиштето, осомничениот зел едно дете како заложник и се заклучил во училница со него, држејќи нож на вратот. Полицијата успеа да ја скрши вратата и да го совлада пред да се случат дополнителни повреди.
Напаѓачот се снимил себеси како носи нож и напаѓа.
На социјалните мрежи се појавија снимки на кои се гледа како целосно опремени полицајци го приведуваат осомничениот и го ставаат во патролно возило. Голем број полициски патролни возила и амбулантни возила се на местото на настанот.
Според неофицијални информации, во куќата на момчето се пронајдени предмети што укажуваат дека нападот бил планиран, а наводно се откриени и импровизирани експлозивни направи. мс/сд/
🚨 In the #Moscow region, a teenager wearing a balaclava and wielding a knife attacked an elite school. He killed one person and wounded two. pic.twitter.com/KjQKmfURSN
— News.Az (@news_az) December 16, 2025
In the 🇷🇺Moscow region, a 15-year-old teenager attacked schoolchildren with a knife. One child died and several were injured, — Russian media
— ★ᚹᛁᚲᛁᚾᚷ★🏴☠️💎 (@booyahviking) December 16, 2025
Interesting inscriptions on the helmet. What's the situation with denazification there? pic.twitter.com/oQRadq8FjD
фото: Принсткрин
