Пјонгјанг, 23 октомври 2024 (МИА) - Лидерот на Северна Кореја, Ким Џонг Ун, ги посети стратешките ракетни бази и ја испита подготвеноста „за стратешка акција за одвраќање“, додека американските стратешки нуклеарни капацитети ги окарактеризира како закана, објавија денеска државните медиуми.

Ким, исто така, повика на модернизација на вооружените сили, притоа давајќи приоритет на стратешките ракетни сили во иднина, нарекувајќи го „важен принцип на стратегијата за изградба на националната одбрана“.

За време на посетата на ракетните бази, Ким беше придружуван од неговата сестра Ким Јо Џонг и Ким Јонг Сик, првиот заменик директор на Одделот на Централниот комитет на владејачката Работничка партија на Кореја. паг/

Фото: МИА архива