Делчево, 17 октомври 2024 (МИА) - Општина Делчево од денеска почна со  реализација на мерката Јавни работи, која е дел од Оперативниот план. Со оваа мерка се опфатени 18 невработени лица од евиденцијата на АВРСМ со ниски квалификации.

-Во рамки на Програмата за извршување на јавни работи 2024 година чија цел е да се подобри квалитетот на живеење на граѓаните кои живеат на територијата на Општина Делчево  преку   ангажирање   на   невработени   лица   од   социјален   ризик   и   ниски квалификации во проекти од   инфраструктурата и заштитата на животната средина на локално   ниво, почна   со   реализација мерката - јавни   работи   од Оперативниот план, информираа од Општина Делчево.

Мерката, како што додадоа оттаму, ќе се спроведува до крајот на ноември 2024 година.

-Дел од активностите кои ќе се реализираат во рамки на оваа мерка се обновување и бојадисување на дел од урбаната опрема која е поставена во централното градско подрачје, изградба на тоалети на планината Голак, како и вградување на бекатон плочки во село Габрово, додадоа од Општина Делчево.

Исплата ќе се врши од Буџетот на АВРСМ и кофинансирање во износ од 20 отсто од Буџетот на Општина Делчево. вс/мд/

Фото: Општина Делчево