Македонска Каменица, 19 јануари 2025 (МИА) - По повод големиот христијански празник Богојавление - Водици денеска се одржа cветата литургија во храмот „Успение на Пресвета Богородица", по што следуваше положувањето на cветиот крст во водите на Каменичка Река во Македонска Каменица. 

Светиот крст од водите на Каменичка Река прв го извади каменичанецот Ангел Атанасовски кој доби пригодни подароци од страна на Општината.

-Покрај пригодните подароци обезбедени од Општина Македонска Каменица, Особена беше честа, што светото дејствие го изврши неговото преосвештенство епископот Делчевско-каменички г. Марко, кој со своето присуство и благослов внесе дополнителна духовност помеѓу многубројниот насобран православен христијански народ. На Ангел Атанасовски од срце му честитаме за успехот и му посакуваме добро здравје, среќа и благослов во годината што претстои, истакна градоначалникот на Македонска Каменица, Димчо Атанасовски.

На настанот присуствуваа голем бој верници од Македонска Каменица и околните места. вс/мч/

фото:  Општина Македонска Каменица