Манчестер, 29 декември 2024 (МИА) - Новиот тренер на Манчестер јунајтед, Рубен Аморим, меѓу приоритетите го стави доведувањето на нов голман кој ќе се натпреварува со Андре Онана, објави локалниот печат.

Камерунецот, кој имаше несигурна прва кампања на „Олд Трафорд“, имаше многу посолиден почеток на сезоната, но повторно покажа одредена недоследност во последните недели, правејќи голем број сериозни грешки, кулминирајќи со примениот гол од корнер во поразот од Вулверхемптон.

Неговиот ривал, Алтај Бајандир, исто така, покажа сериозна недоследност во ретките прилики кога му се дава шанса, откакоприми гол директно од корнер против Тотенхем.

Извидничката единица на „црвените ѓаволи“ веќе истражува различни можности за засилување на оваа позиција. Од „Олд Трафорд“ веќе го следат голманот на Ројал Унион - Сен Ламенс. Младиот голман пред една година пристигна од Бриж, но веќе привлече внимание со своите настапи. Другиот голман за кој се посочува како можност е Илан Мелие од Лидс. Французинот пред една година беше поврзуван со Манчестер Јунајтед, а сега неговото име повторно доаѓа до израз. дс

Фото: Архива