Los Anxhelos, 10 janar 2025 (MIA) - Banorët e zonës më të gjerë të Los Anxhelosit gabimisht kanë pranuar një alarm evakuimi në telefonat e tyre dje pasdite sipas orës lokale.

Zyrtarët u angazhuan me shpejtësi për ta korrigjuar njoftimin i cili paralajmëron banorët që të përgatiten të largohen menjëherë nga zona e tyre për shkak të zjarreve aty pranë.

Xhenis Han nga Këshilli mbikëqyrës i Qarkut të Los Anxhelosit shkroi në postimin në platformën X se shumë njerëz morën paralajmërim "për shkak të një gabimi teknik" dhe se "së shpejti do të bëhet korrigjimi", raporton Si-En-En.

“Kjo duhej të ishte për zonat e prekura nga zjarri Kenet në Vudlend Hils”, deklaroi Han, duke menduar për zjarrin pranë kufirit midis Los Anxhelosit dhe qarkut fqinj Ventura.

Pastaj banorët e zonës morën një mesazh ku shkruhej: "Injoroni PARALAJMËRIMIN e fundit për EVAKUIM".

Në mesazhin e ri thuhej se njoftimi ka qenë i dedikuar vetëm për ata në afërsi të Kenet Fajr. 

Disa zjarre janë aktive në të gjithë zonën e Los Anxhelosit, ku deri tani jetën e kanë humbur të paktën 10 persona.