Athinë, 23 gusht 2023 (MIA) - Qindra zjarrfikës që nga mbrëmja e djeshme po tentojnë të vënë nën kontroll zjarrin e pyjeve në periferi të Athinës, ndërsa është bërë evakuim i ri për shkak të kërcënimit për zjarre të reja në mbarë vendin. Zjarrfikësit në provincën veriperëndimore Çanakale të Turqisë po luftojnë për të dytën ditë me zjarret e rrezikshme.

Njëzet persona e humbën jetën në zjarret që shpërthyen në Greqinë veriore të shtunën dhe u përhapën shpejt, të nxitura nga erërat e forta. Zjarri pranë fshatit Fili në rrëzë të malit Parnita, rreth 25 kilometra në veri të Athinës, u përhap në qytetin Menida, ku rreth 150 njerëz duhej të evakuoheshin nga tre shtëpi pleqsh", deklaroi një zyrtar lokal.

"E mbajtëm zjarrin larg shtëpive. Fatkeqësisht, era nuk po ndihmon aspak", deklaroi të mërkurën nënkryetari i komunës së Menidit, Statis Topalidis.

Ai tha se të moshuarit u evakuuan me autobus në hotele ose institucione të tjera të kujdesit. Zjarri la një gjurmë shkatërrimi, duke djegur shtëpi dhe automjete në Fila.

Ekipet e shpëtimit gjetën dje 18 trupa të djegur, që besohet të jenë emigrantë, në një zonë rurale pranë pyllit Dadia në rajonin verior Evros. Rruga në kufi me Turqinë është shumë e popullarizuar nga njerëzit nga Lindja e Mesme dhe Azia që duan të hyjnë në Bashkimin Evropian.

Zjarrfikësit turq po përpiqen të mbajnë nën kontroll zjarrin në pjesën veriperëndimore të vendit.

Zjarrfikësit janë përfshirë në shuarjen e zjarrit në pyll në provincën Çanakale në veriperëndim të Turqisë, i cili po përhapet për të dytën ditë për shkak të temperaturave të larta dhe erërave të forta.

Helikopterët dhe automjetet tokësore punuan gjatë natës, ndërsa ministri i Punëve të Brendshme Ali Jerlikaja tha se më shumë se 1.200 njerëz nga nëntë fshatra janë transportuar me aeroplanë dhe 48 kishin nevojë për kujdes mjekësor.

Autoritetet gjithashtu zhvendosën pacientët, përfshirë të moshuarit, nga disa qendra mjekësore si masë paraprake.

Trafiku detar në Dardanele u pezullua për të lejuar aeroplanët dhe helikopterët të mbledhin ujë dhe të shuajnë flakët, njoftoi Agjencia Detare e Lajmeve Tribeka. ls/