Shkup, 9 dhjetor 2021 (MIA) – Brigada kundër zjarreve në Shkup sonte ka shuar një zjarr në një banesë të një ndërtese të re në rrugën “Metodij Shatorov- Sharlo” në lagjen Aerodrom ku ka humbur jetën një grua e palëvizshme. Komandanti i Brigadës kundër zjarreve, Vlladimir Simonovski për MIA-n ka deklaruar se zjarri ka përfshirë pjesën e divanit ku ka qëndruar gruaja e palëvizshme e cila ka qenë vetë në banesë dhe për shkak të gjendjes së rënduar shëndetësore nuk ka mundur të largohet. Nga MPB informojnë se rreth orës 21 policia ka marrë lajmërim për zjarr në një banesë në rr. “Metodij Shatorov- Sharlo”, pronë e M.Sh (1955) e cila ka qenë në banesë dhe ka vdekur. “Nga ana e mjekut në orën 21:30 është konstatuar vdekja. Zjarri është shuar nga ana e NjKZ. Me urdhër të prokurorit publik trupi është dhënë në obduksion”, thonë për MIA-n nga MPB. Ekipi i MPB-së dhe prokuror publik po kryejnë mbikëqyrje në banesën e djegur tek viktima. fab/