Shkup, 18 tetor 2025 (MIA) - Zgjedhjet lokale më 19 tetor të vitit 2025 do të jenë të tetat që nga pavarësia e shtetit, dhe të katërtat në të cilat zgjidhen kryetarët dhe listat e këshillave në 80 komuna dhe Qytetin e Shkupit. Të drejtë vote kanë 1.832.415 shtetas të regjistruar në Listën e zgjedhësve.

Në Zgjedhjet Lokale 2025, ka pasur gjithsej 309 kandidatë për kryetar komune, rritje prej 10 kandidatësh krahasuar me vitin 2021, kur kishte 299. Më së shumti kandidatë për kryetarë komunash - 683 ishin në zgjedhjet e para lokale në vitin 1996, dhe më së paku në zgjedhjet lokale të vitit 2017 - 257 kandidatë për kryetarë komunash. Numri i kandidatëve për kryetar komune varionte nga 323 në vitin 2000, 350 në vitin 2013, 364 në vitin 2009 dhe 379 në zgjedhjet e vitit 2005.

Kandidatët më të shumtë janë për kryetar komune të kryeqytetit Shkup, gjithsej 16, nga të cilët vetëm një është grua. Prilepi dhe Struga u pasuan nga nëntë dhe Manastiri tetë kandidatë. Janë dy kandidatë për kryetar komune në më shumë se një të katërtën e komunave – në gjithsej 21 komuna, duke përfshirë Shtipin, Kratovën dhe Kriva Pallankën.

Sipas përfaqësimit gjinor të numrit të përgjithshëm të kandidatëve për kryetar komune në Zgjedhjet Lokale 2025, 89,64 për qind janë burra dhe 10,35 për qind janë gra. Kjo është një rritje e lehtë në krahasim me të kaluarën, kur përqindja e grave është 8 për qind.

Listat më të shumta të kandidatëve për këshilltarë ishin në zgjedhjet 1996 - 747, pastaj më 2009 - 701, më pas 2021 – 572, 2000 - 564, 2013 - 480, 2005 - 445 dhe më së paku 2017 - 371.

Në këto zgjedhje lokale, janë 576 lista kandidatësh për anëtarë të këshillave bashkiakë me gjithsej 10.490 kandidatë, nga të cilët 55 për qind janë burra dhe 45 për qind gra, ashtu si në të kaluarën.

Listat më të shumta të kandidatëve u dorëzuan për Qytetin e Shkupit 19, pasuar nga Manastiri – 16, Kumanova dhe Dolneni pas 14.

Sipas grupmoshës nga gjithsej 10.799 kandidatë për kryetarë komune dhe këshilltarë nga mosha 18 deri në 20 vjeç janë 409 ose 3,89 për qind, ndërsa 985 kandidatë mbi moshën 66 vjeç janë 9,12 për qind. Më së shumti 25,36 për qind ose 2.739 kandidatë janë midis moshës 36 dhe 45 vjeç.

Zgjedhjet e para lokale në Maqedoninë e pavarur u mbajtën më 17 nëntor 1996, nëtë cilat këshilltarët dhe kryetarët e komunave u zgjodhën në 123 komuna, plus Qytetin e Shkupit. Gjithsej ishin 683 kandidatë për kryetarë komune dhe 747 lista kandidatësh për anëtarë të këshillave komunalë. Pjesëmarrja e votuesve në raundin e parë ishte 60 për qind dhe në raundin e dytë 51 për qind. Në këto zgjedhje, 1.419.081 zgjedhës kishin të drejtë vote.

Zgjedhjet e dyta lokale u mbajtën më 10 shtator të vitit 2000, në të cilat këshilltarët dhe kryetarët e komunave u zgjodhën në 123 komuna, plus Qytetin e Shkupit. Gjithsej ishin 323 kandidatë për kryetarë komune dhe 564 lista kandidatësh për anëtarë të këshillave komunalë. Në këto zgjedhje, 1.634.859 votues kishin të drejtë vote. Pjesëmarrja në raundin e parë ishte 59 për qind dhe në raundin e dytë 53 për qind.

Zgjedhjet e treta lokale u mbajtën më 13 dhe 27 mars të vitit 2005, në të cilat këshilltarët dhe kryetarët e komunave u zgjodhën në 84 komuna dhe Qytetin e Shkupit. Këto janë zgjedhjet e para lokale pas shpërndarjes së re territoriale dhe uljes së numrit të komunave. Gjithsej ishin 379 kandidatë për kryetarë komune dhe 445 lista kandidatësh për anëtarë të këshillave komunalë. Në këto zgjedhje, 1.634.859 zgjedhës kishin të drejtë vote. Pjesëmarrja e votuesve në raundin e parë ishte 56,36 për qind, e në raundin e dytë më 27 mars, 53,66 për qind.

Është e rëndësishme të theksohet se Komisioni Shtetëror i Zgjedhjeve deri në vitin 2006 nuk ekziston si organ i veçantë dhe është themeluar para çdo zgjedhjeje dhe nuk ka publikuar rezultate të plota ose raport përfundimtar për një pjesë të tre zgjedhjeve të para lokale në vend.

Zgjedhjet e katërta lokale u mbajtën më 22 mars të vitit 2009, duke zgjedhur kryetarët e komunave dhe këshilltarët në 84 komuna dhe Qytetin e Shkupit. Gjithsej janë dorëzuar 364 lista për kryetarë komune dhe 702 lista kandidatësh për këshilltarë. Në këto zgjedhje, 1.792.082 zgjedhës kishin të drejtë vote. Pjesëmarrja në raundin e parë ishte 57 për qind dhe në raundin e dytë 43 për qind.

Zgjedhjet e pesta lokale u mbajtën më 24 mars të vitit 2013 me qëllim të zgjedhjes së këshilltarëve dhe kryetarëve të komunave në 80 komuna dhe Qytetin e Shkupit. Ishin gjithsej 350 kandidatë për kryetarë komune dhe 480 lista të kandidatëve për këshilltarë. Në këto zgjedhje kanë pasur të drejtë vote 1.743.403 zgjedhës. Pjesëmarrja në raundin e parë ishte 67 për qind dhe në të dytin 65 për qind.

Zgjedhjet e gjashta lokale u mbajtën më 15 tetor të vitit 2017, duke zgjedhur kryetarët e komunave dhe këshilltarët e 80 komunave dhe Qytetit të Shkupit. Ka pasur gjithsej 257 kandidatë për kryetarë komune dhe 371 lista kandidatësh për këshilltarë. Të drejtë vote kanë 1.814.644 qytetar të regjistruar në listën e zgjedhësve, ku në raundin e parë pjesëmarrja ka qenë 60 për qind, ndërsa në raundin e dytë 52 për qind.

Zgjedhjet e shtata lokale u mbajtën më 17 dhe 31 tetor të vitit 2021. 1.824.864 votues kishin të drejtë vote. Pjesëmarrja në raundin e parë ishte 50,57 për qind dhe në raundin e dytë 50,69 për qind. Ishin gjithsej 299 kandidatë për kryetar komune. Sipas përfaqësimit gjinor të numrit të përgjithshëm të kandidatëve për kryetar komune në Zgjedhjet Lokale 2021, 91,64 për qind janë burra dhe 8,36 për qind janë gra. Në këto zgjedhje lokale ka pasur 572 lista kandidatësh për anëtarë të këshillave komunalë me gjithsej 10.532 kandidatë, nga të cilët 55 për qind janë burra dhe 45për qind gra. 

Foto: MIA