Uashington, 6 janar 2026 (MIA) - Presidenti ukrainas Volodimir Zelenski ka mbërritur në Paris, ku do të marrë pjesë në një takim të "Koalicionit të të Përgatiturve", njoftoi zëdhënësi i tij.

Në Pallatin e Eliseut mbërritën edhe i dërguari special i presidentit amerikan Donald Tramp, Stiv Vitkof, dhe dhëndri i tij Xhared Kushner. 

Pritet takimi i "Koalicionit të të Përgatiturve" t'i kushtohet kontributeve të vendeve në forcat shumëkombëshe për Ukrainën, në rast të një armëpushimi, në koordinim me Ukrainën dhe me mbështetjen e ShBA-së, raportoi Ukrinform. 

 Në draft-deklaratën e sotme nga "Koalicioni i të Përgatiturve" theksohet se aleatët që mbështesin Ukrainën "janë të gatshëm të angazhohen për një sistem garancish politikisht dhe ligjërisht të detyrueshme që do të aktivizohen sapo të hyjë në fuqi armëpushimi", dhe se garancitë mund të përfshijnë përdorimin e mbështetjes së armatës, të inteligjencës dhe logjistikës, si dhe iniciativat diplomatike dhe miratimin e sanksioneve të reja.

 Foto: DPA