Nju -Jork, 24 shtator 2025 (MIA) - Presidenti ukrainas Volodimir Zelenski, në fjalimin e sotëm para Asamblesë së Përgjithshme të OKB-së, u bëri thirrje udhëheqësve botërorë të ndërmarrin veprime urgjente kundër Rusisë.

Ai theksoi se vetëm me forcë mund të garantohet paqe.

"Vetëm ne mund të garantojmë sigurinë tonë. Nuk ka garanci sigurie, përveç miqve në armë", tha Zelenski, duke shtuar se Rusia kundërshton një armëpushim.

Sipas tij, presidenti rus nuk do të ndalet dhe do ta shtyjë luftën "përpara, më gjerë dhe më thellë".

#Ukraina është vetëm e para. Dronët rusë tashmë po fluturojnë në të gjithë Evropën. Ndalimi i Putinit tani është më i lirë sesa përpjekja për të mbrojtur çdo port nga terroristët me dronë detarë. Ndalimi i Rusisë tani është më i lirë sesa të pyesësh veten se kush do të jetë turisti që do të krijojë një dron me mbushje bërthamore. Ndalojeni Putinin tani ose vuani dhe paguani", theksoi Zelenski.

Ai paralajmëroi gjithashtu për rrezikun e ndërhyrjes ruse në Moldavi, duke kujtuar paralajmërimin nga presidentja moldave Maia Sandu se Rusia po shpenzon miliona për të ndikuar në zgjedhjet e ardhshme.

"Ne e kemi humbur tashmë Gjeorgjinë në Evropë. Të drejtat e njeriut dhe natyra evropiane e sistemit shtetëror atje vetëm po bien. Gjeorgjia është e varur nga Rusia, e Bjellorusia gjithashtu ka lëvizur drejt varësisë për shumë vite. Evropa nuk mund të përballojë humbjen e Moldavisë gjithashtu", tha Zelenski.

Ai e përfundoi fjalimin e tij duke vënë në dukje se pati një takim “të mirë” me presidentin e SHBA-së Donald Tramp në Nju-Jork.

"Po bëjmë gjithçka për të siguruar që Evropa të ndihmojë vërtet dhe mbështetemi në SHBA-në. Paqja varet nga të gjithë ne në OKB. Mos heshtni ndërsa Rusia vazhdon këtë luftë. Ju lutemi negocioni hapur dhe dënoni atë. Bashkohuni me ne në mbrojtjen e jetës dhe të drejtës ndërkombëtare. Njerëzit presin veprim, theksoi Zelenski. ls/

Foto: EPA