Kiev, 7 janar 2026 (MIA) - Presidenti ukrainas, Volodimir Zelenski deklaroi se nuk ka marrë një "përgjigje të qartë" nga aleatët evropianë se si do ta mbrojnë Ukrainën në rast se Rusia sulmon përsëri pas përfundimit të luftës.

"Unë personalisht do të doja të merrja një përgjigje shumë të thjeshtë: po, nëse ka përsëri agresion, të gjithë partnerët do t'u japin një përgjigje të fortë rusëve. Dhe ua kam bërë këtë pyetje të gjithë partnerëve tanë. Dhe deri tani nuk kam marrë një përgjigje të qartë", ka thënë Zelenski.