Xhide, 11 mars 2025 (MIA) – Presidenti amerikan Volodomir Zelenski e falënderoi presidentin amerikan Donald Tramp për “konstruktivitetin në bisedimet mes ekipeve tona” të cilat u zhvilluan sot në Xhide, të Arabisë Saudite. 

Në video paraqitje, Zelenski përsëriti se qëndrimi ukrainas është që ta pranojë propozimin e sotëm amerikan për armëpushim në qiell, det dhe në front.

 “E vlerësojmë si hap pozitiv”, deklaroi ai, duke shtuar se SHBA-ja “duhet ta bindë Rusinë” të pajtohet me marrëveshjen. 

Si pjesë të rëndësishme të bisedës së sotme, Zelenski e theksoi marrëveshjen amerikane për rivendosjen e shkëmbimit të informacioneve të inteligjencës me Ukrainën. 

 “Ukraina është e gatshme për paqe, theksoi ai dhe shtoi: Rusia duhet të tregojë nëse është e gatshme që ta ndërpresë luftën ose ta vazhdojë. Është koha për të vërtetë të plotë. I falënderoj të gjithë që e ndihmojnë Ukrainën”. 

Shefi i kabinetit të presidentit ukrainas, Andrij Jermak, i cili mori pjesë në bisedime, gjithashtu e falënderoi SHBA-në për “takimin konstruktiv”. 

Në një publikim në rrjetin social Iks, Jermak theksoi se “mbrojtja e interesave të Ukrainës është më e rëndësishme për ne”. 

 “Paqja e drejtë është kyçe për ne”, shtoi ai, duke theksuar se Ukraina kërkon “paqe të përhershme". fc/

Fotografia: Printskrin