Tiranë, 10 tetor 2024 (MIA) - Presidenti i Ukrainës, Volodimir Zelenski në rrjetet sociale publikoi se gjatë qëndrimit të tij në Kroaci, në kuadër të samitit "Ukrainë-Evropa Juglindore", ka zhvilluar takim me kryeministrin e Shqipërisë Edi Rama.

Ai publikoi fotografi nga takimi duke zbuluar detaje të bisedës.

"Në Kroaci u takova me kryeministrin e Shqipërisë, Edi Ramën. Diskutuam për zbatimin e Formulës së paqes, përgatitjet për samitin e dytë të paqes dhe rrugën e Ukrainës drejt BE-së dhe NATO-s. Gjithashtu, diskutuam dhe për mekanizmat e mundshëm për rindërtimin e Ukrainës. Jam mirënjohës ndaj kryeministrit për dialogun produktiv dhe mbështetjen e vazhdueshme", ka shkruar Zelenski, raportojnë mediat shqiptare. rq/ 

Foto: arkivi i MIA-s