Ushtria izraelite pretendon se i ka përfunduar operacionet në jug të Rripit të Gazës
- Ushtria izraelite sot kumtoi se i ka përfunduar operacionet ushtarake në zonat Kan Junis dhe Deir al-Balah në jug të Rripit të Gazës, transmeton Anadolia.
![Ushtria izraelite pretendon se i ka përfunduar operacionet në jug të Rripit të Gazës](https://mia.mk/images/20240830201355_big_730x400_34.webp )
Tel Aviv, 30 gusht 2024 (MIA) - Ushtria izraelite sot kumtoi se i ka përfunduar operacionet ushtarake në zonat Kan Junis dhe Deir al-Balah në jug të Rripit të Gazës, transmeton Anadolia.
Ushtria thekson se "trupat nga Divizioni i 98-të e kanë përfunduar misionin e tyre në Rripin jugor të Gazës dhe po përgatiten për detyra të reja".
Shtohet se ushtria i ka përfunduar operacionet në ato zona "pas rreth një muaji aktivitetesh të njëkohshme operative sipërfaqësore dhe nëntokësore".
"Trupat eliminuan më shumë se 250 luftëtarë dhe shkatërruan infrastrukturën e tyre, pretendon ushtria.
Në kumtesën theksohet se “njësia Jahalom, së bashku me Brigadën e 7-të dhe Brigadën e Parashutave, gjetën dhe shkatërruan gjashtë rrugë tunelesh nëntokësore me gjatësi rreth gjashtë kilometra”.
“Brigada e 7-të veproi në zonat Kan Junis dhe Deir al-Balah, ku gjetën armë, neutralizuan dhjetëra prita dhe shkatërruan njësi luftarake”, shtohet në kumtesën.
Ushtria, gjithashtu, kumtoi se banorët mund të kthehen në shtëpitë e tyre në pjesën veriore të Bllokut 89 dhe në lagjet Hamad, Al-Xhalaa dhe Al-Karara.
Hamasi nuk ka dhënë ende një deklaratë pas njoftimit të ushtrisë izraelite. ls/
Foto: Arkiv