Tel Aviv, 4 nëntor 2024 (MIA) - Irani po përgatit sulm ndaj Izraelit duke përdorur koka luftarakë të fuqishme dhe "armë tjera" që nuk ishin përdorur në dy sulmet paraprake, deklaruan për "Uolstrit zhurnal" përfaqësueesit iranian dhe arab.

Një funksionar egjiptian për gazetën amerikane deklaroi se Teherani privatisht e kishte paralajmëruar Kajron se përgjigjja e tij e sulmeve ajrore izraelite në territorin e tij më 26 tetor, si hakmarrje për sulmin me raketa balistike të Republikës Islamike të 1 tetorit, do të jetë "e fortë dhe komplekse".

Një përfaqësues zyrtar iranian tha se ka nevojë për përgjigje, sepse ushtria në sulm ka humbur katër ushtarë.

Në raportin e gazetës citohet se në operacion këtë herë do të përfshihet edhe ushtria iraniane, për dallim nga sulmet raketore më 13-14 prillit dhe 1 tetorit, që i kreu Korpusi i Gardës Revolucionare Islamike.

Një përfaqësues zyrtar shtoi se lokacionet ushtarake izraelite do të sulmohen "në mënyrë shumë më agresive se herën e kaluar" dhe se territori irakian mund të përdoret për lëshimin e raketave. sa/

foto: Arkivi i MIA-s