Gazë, 4 dhjetor 2023 (MIA) - Zëdhënësi i UNICEF-it, Xhejms Elder, deklaroi se askush nuk ndjehet i sigurt në pjesën jugore të Rripit të Gazës pasi bombat bien përafërsisht në çdo 10 minuta dhe shprehu shqetësim serioz për shkak të aksionit ushtarak izraelit në zonën e enklavës pasi palestinezët nuk kanë ku të shkojnë. 

Elderi theksoi se tmerri që ka ndodhur në veriun e Gazës tani po përsëritet edhe në jug nga enklava dhe se bombat bien në çdo 10 minuta, edhe pse palestinezët janë evakuuar nga zona e veriut, sepse armata izraelite ka dhënë garanci se atje do të jenë të sigurt, njofton Bi-Bi-Si. 

Elder shtoi se tani palestinezët në pjesën jugore të Gazës janë të ekspozuar ndaj rrezikut të vazhdueshëm dhe tashmë janë të rraskapitur dhe të lodhur nga zhvendosjet e përsëritura.

Elder theksoi se as ai nuk ndjehet i sigurt, ndërsa asnjë tjetër nuk mund të ndjehet i sigurt në jug të Rripin e Gazës sepse, as spitalet, as strehimoret nuk janë vende të sigurta. qa/

Foto: arkivi i MIA-s