Gjenevë, 17 dhjetor 2024 (MIA) – Drejtoresha e Agjencisë së Kombeve të Bashkuara për Refugjatë (UNHCR) për Lindjen e Afërt, Rema Xhamus Imejsis, sot deklaroi se organizata pret që rreth një milion refugjatë sirian të kthehen në vend në gjashtë muajt e parë të vitit 2025.

Ajo, gjithashtu, u bëri thirrje vendeve të mos fillojnë procese të deportimit të detyruar të refugjatëve në Siri.

"Shpresojmë se diku rreth një milion sirian do të kthehen në periudhën janar-qershor të vitit të ardhshëm, prandaj e ndamë këtë plan me donatorët, duke kërkuar mbështetjen e tyre", tha Xhamus Imejsis. ls/