Kiev, 31 tetor 2024 (MIA) - Ushtarët koreanoverior tashmë ndodhen në territoret e okupuara përkohësisht të Ukrainës, veçanërisht në Donjeck, deklaroi për televizionin ukrainas udhëheqësi i Qendrës për luftën kundër dezinformimit, Andrij Kovalenko, transmeton Ukrinform.

Sipas tij, këta ushtarë ende nuk kanë marrë pjesë në luftime, sepse janë pjesë e njësive inxhinierike, por së shpejti do të jenë në përdorim.

"Këto ushtarë koreanoverior do të jenë të veshur me uniforma ruse, me dokumente ruse dhe do të vendosen midis Kalmicit dhe Burjatit", potencoi Kovalenko.

"Ne të paktën dimë për planet e armikut për t'i shfrytëzuar ato së pari në zonën e Donjeckut", tha ai.

Kovalenko theksoi se pas "prezantimit të tyre", do të vendosen dhe në zona të tjera.

"Pjesëmarrja e 10-12 mijë ushtarëve të Koresë së Veriut në një front do t'i lejojë rusët të tërheqin trupat e tyre nga ai front dhe t'i transferojnë ato në lindje, veçanërisht në zonën e Harkovit. Prandaj, kërcënimi që paraqet ushtria e koreanoveriore nuk duhet nënvlerësohet", shtoi ai.

Sipas Shërbimit kryesor të inteligjencës së Ministrisë së Mbrojtjes së Ukrainës, pritet që në nëntor 11 mijë ushtarë nga Koreja e Veriut të jenë gati për të luftuar në anën e Federatës ruse. Për momentin ata janë duke u trajnuar në poligonet stërvitore në Rusi. rq/

Foto: printskrin