Kiev, 23 prill 2024 (MIA) - Ukraina ka pezulluar shërbimet konsullore për ukrainasit të aftë ushtarakisht që jetojnë jashtë vendit, me përjashtim të atyre që do të kthehen në Ukrainë.

Mediat britanike transmetojnë se Ministria e Punëve të Jashtme e Ukrainës nuk e ka komentuar ende masën, e cila duket se synon rritjen e numrit të rekrutëve për luftën kundër Rusisë.

 Shefi i diplomacisë ukrainase, Dmitro Kuleba, deklaroi se Qeveria ukrainase së shepejti do të japë një shpjegim në lidhje me shërbimet konsullore për burrat me aftësi ushtarake jashtë vendit.

"Qëndrimi jashtë nuk e çliron qytetarin nga detyrimet ndaj atdheut", theksoi Kuleba në një publikim të X.

Kuleba shton se mbrojtja e të drejtave dhe interesave të qytetarëve ukrainas jashtë vendit ka qenë dhe mbetet gjithmonë një prioritet i Ministrisë së Punëve të Jashtme, por që tani duket si një person i aftë ushtarak që ka shkuar jashtë vendit në vendin e tij dhe tregon se çështja dhe mbijetesa nuk e shqetëson dhe pastaj vjen dhe kërkon të marrë shërbime nga shteti.

"Nëse ata njerëz mendojnë se dikush atje, larg në vijën e parë të frontit, do të luftojë dhe do të japë jetën për këtë vend, ndërsa dikush do të ulet jashtë vendit dhe në të njëjtën kohë do të marrë favore nga ky vend, atëherë nuk funksionon kështu,", shtoi Kuleba. rq/

Foto: Arkivi i MIA-s