Uashington, 18 gusht 2023 (MIA) - Shërbimet e inteligjencës ruse kanë krijuar një rrjet amatorësh për operacione që përfshijnë sabotim në Poloni, shkruan gazeta amerikane Uashington Post.

Publikimi vë në dukje se në fillim të këtij viti, "reklama misterioze për punë" filluan të shfaqen në një numër faqesh polake, detyrat e të cilave përfshinin shpërndarjen e materialeve promovuese ose ngjitjen e posterave në vende publike. Paga e ofruar ishte e “mjerë”.

Kandidatët për këtë pozicion shpejt mësuan se ekziston një "truk": vendet e lira të punës përfshinin përhapjen e propagandës pro-ruse në emër të një punëdhënësi anonim. Për ata që megjithatë ishin dakord për këtë detyrë, çështja mori një rrjedhë më të keqe, shkruan gazeta.

Sipas hetuesve polakë, gjatë disa javësh "rekrutët" u udhëzuan të vëzhgonin portet polake, të instalonin kamera në linjat hekurudhore dhe të fshihnin pajisjet gjurmuese në rezervat ushtarake.

Në mars, mercenarët morën urdhra befasues për të shkaktuar dalje nga binarët e trenave të ngarkuar me armë të destinuara për në Ukrainë.

Autoritetet polake tani besojnë se punëdhënësi misterioz është në fakt inteligjenca ushtarake e Moskës (GRU) dhe se operacioni i penguar përfaqëson kërcënimin më serioz rus për territorin e NATO-s që nga fillimi i luftës në Ukrainë vitin e kaluar.

Qëllimi i Rusisë ishte të ndërpresë zinxhirin e furnizimit të armëve përmes Polonisë, e cila siguron më shumë se 80 për qind të pajisjeve ushtarake që rrjedhin në Ukrainë – një rrjedhë masive që ndryshoi rrjedhën e luftës dhe të cilën Rusia dukej e pafuqishme për ta ndaluar", thonë bashkëbiseduesit e edicionit.  ls/