Shkup, 6 prill 2022 (MIA) - "Drejto automjetin sikur çdo fëmijë në rrugë të jetë i yti", është motoja e ministrit të Punëve të Brendshme Oliver Spasovski si pjesëmarrës në qarkullim. Në fjalën që mbajti në tryezësn e sotme të  rrumbullakët “Siguria e këmbësorëve”, ai theksoi se gjithmonë mundohet ta respektojë këtë moto sepse të gjithë jemi përgjegjës për sigurinë në komunikacion, duke filluar nga vetja si individë dhe sigurisht të gjithë faktorët e shoqërisë. Prandaj, theksoi ai, në vitet e fundit kemi krijuar një qasje të re që synon ngritjen e sigurisë në qarkullim në një nivel të lartë - duke demonstruar qartë se nuk ka tolerancë për shoferët e dehur, automjetet me defekt në rrugë, mosrespektimin e rregullave dhe rregulloret e qarkullimit rrugor. “Edhe pse kemi marrë vërejte për rigorozitetin, jemi ende të vendosur në përcaktimin tonë, sepse vetëm një qasje e tillë na shpëton nga tragjeditë e pariparueshme dhe dëmet e mëdha materiale. Një fakt jashtëzakonisht i rëndësishëm - që është se ne e trajtojmë sigurinë në komunikacion për një kohë të gjatë jo vetëm si çështje respektimi të legjislacionit në atë fushë ose vetëm si një vëzhgim profesional i cilësisë së infrastrukturës së trafikut, por mbi të gjitha si segment prioritar, i cili reflekton përkushtimin tonë për krijimin e mjediseve të sigurta për qytetarët, por edhe një gamë më të gjerë të çështjeve me interes publik apo social”, tha ministri Spasovski. Si tregues relevant për atë që është bërë, sidomos nëse si indikator e kemi parasysh se a po ecim në drejtimin e duhur apo të gabuar, sipas statistikave, theksoi ai, numri i viktimave është vazhdimisht në rënie. Kështu, në vitin e kaluar, 2021, e përfunduam si vit me numrin më të vogël të viktimave në qarkullim apo në trafik në 15 vitet e fundit - 116, dhe zvogëlimi më i madh i aksidenteve rrugore sipas vendit të ndodhjes, informon Spasovski, është vërejtur në zonën e ​SPB Shkup, e cila konsiderohet si zonë me frekuencë të madhe të automjeteve dhe pjesëmarrësve në komunikacion. Si produkt i kontrolleve të përforcuara të veprimit në komunikacion, të cilat padyshim japin rezultate, janë regjistruar mbi 992 mijë masa parandaluese-represive në pesë vitet e fundit, ndaj shkelësve të rregullave dhe rregulloreve të qarkullimit rrugor, kryesisht për shpejtësi. Kjo kontribuoi, nënvizoi Spasovski, për zvogëlimin e vazhdueshëm të numrit të viktimave, e me këtë edhe realizimin gradual të qëllimit tonë, kështu që nëse në vitin 2013 kishte 198 viktima, në vitin 2016 ai numër ishte 165, në vitin 2017 - 155, në vitin 2018 – 133, në vitin 2019 - 132, në vitin 2020 - 125. Kontrollet e përforcuara  vazhdojnë me të njëjtin intensitet edhe në vitin 2022, bëri të ditur ai, për të kontribuar që ky të jetë viti më i sigurti deri më tani. Në tre muajt e parë të vitit 2022 ka pasur 18 viktima, që është 10 më pak në krahasim me të njëjtën periudhë të vitit të kaluar, kur ishin 28 viktima. Vetëm në mars të vitit 2022 kishte katër viktima, dhe në mars të vitit 2021 ishin 16, që është katërfish më shumë se në mars të  vitit 2022. Spasovski përmendi se nga viti 2017 po punohet në pajisje të vazhdueshme materialo-teknike të policisë, me qëllim të krijimit të kushteve më të mira të punës. Me blerjen e radarëve modernë, teknikisht shumë të sofistikuar, të gjithë të pajisur me pajisje për regjistrimin e natës, shumë më superiore se pajisjet e mëparshme të pakta në numër, duke ndjekur standardet aktuale policore evropiane në këtë pjesë të policimit, tha ministri Spasovski, policia jonë rrugore është e vetjma në rajon e cila është e kompletuar me pajisje të gjeneratës së fundit, nga të cilat është e pamundur të fshihet materiali i regjistruar. Sa i përket aparateve për matjen e sasisë së alkoolit në gjak, nga 12 alkoolmatësit ekzistues, sot njësitë organizative për kontrollin dhe rregullimin e qarkullimit kanë gjithsej 144 alkoolmatës. Njëkohësisht janë investuar edhe në mjete të tjera për punën e punonjësve të policisë, uniforma, këpucë, rikonstruksion të objekteve ku ata punojnë. Së fundmi, tha ai, është realizuar një tjetër projekt i rëndësishëm i Ministrisë së Brendshme “Sistemi mobil i regjistrimit me kamera”, i ngritur për punonjësit e policisë që kontrollojnë dhe rregullojnë qarkullimin. Me këtë sistem regjistrimi, beson Spasovski, jo vetëm që do të fitohet cilësi në dokumentimin e veprave, por njëkohësisht do të ngrihet edhe cilësia e veprimit policor, profesionalizmi dhe transparenca. Mirëpo, MPB-ja në pesë vitet e fundit, paralelisht me atë represive, ka zbatuar masa parandaluese, qëllimi i të cilave është ngritja e nivelit të kulturës së qarkullimit për të kontribuar në uljen e numrit të viktimave në aksidentet rrugore. Ndaj Ministria e Brendshme përmes departamenteve të parandalimit punon me shkollat, me më të rinjtë. Janë krijuar njësitë e qarkullimit shkollor, në të cilat punonjësit e policisë dhe nxënësit dalin së bashku në rrugë dhe miratojnë rregullat dhe rregulloret e qarkullimit rrugor në vend, në kuadër të aktiviteteve parandaluese-edukative, vizitohen kopshtet në të gjithë vendin. Si shembull, ai tha se vitin e kaluar SPB Tetovë ka realizuar projektin parandalues ​​“Siguria më e madhe e këmbësorëve, çiklistëve, motoçiklistëve dhe personave që drejtojnë skuter elektrik”, në të cilin qytetarët janë njohur me rregulloret ligjore dhe ndryshimet në Ligjin për siguri në qarkullimin rrugor dhe u organizuan mësime të qarkullimit rrugor për autorët e kundërvajtjeve të këtyre kategorive, si dhe projekti “Siguria më e madhe e fëmijëve në qarkullimin rrugor nga shtëpia në shkollë”. Sektori për parandalim në SPB Manastir, ndërkaq, në fillim të këtij viti ka realizuar projektin “Udhëtoni me përgjegjësi, udhëtoni të sigurt”, “Bëhuni gati për udhëtim të sigurt në dimër” dhe “I sigurt në komunikacion”, ndërsa SPB Strumicë ndërmori aktivitetet në kuadër të projekteve “Parko me ndërgjegje, parko me përgjegjësi”, “Të ngasësh në mënyrë të sigurtë me rripin e sigurimit”. Ministri Spasovski theksoi se me Këshillin Republikan për Siguri në Qarkullimin Rrugor, së fundi edhe me Fakultetin e Sigurisë, fushata aktuale për këmbësorët po realizohet bashkërisht me moton “Unë dhe ti - të gjithë jemi këmbësorë! "Siguria është e para!" Në këtë kuadër, në tre muajt e parë të vitit 2022 janë sanksionuar 2298 drejtues mjetesh që nuk i kanë lënë përparësi këmbësorëve, por janë sanksionuar edhe 2784 këmbësorë që nuk kanë respektuar rregullat e qarkullimit rrugor. Rektori i Universitetit “Shën Klimenti i Ohrit” Sasho Korunovski në fjalën e tij, ndër të tjera, theksoi se qasja ndërdisiplinore është ajo që Universiteti dëshiron ta promovojë si qasje akademike ndaj kësaj, por edhe ndaj të gjitha temave të tjera jetësore. Ai ka uruar një debat të suksesshëm, nga i cili studentët do të mësojnë diçka, siç tha ai, veçanërisht në një punë kaq të ndjeshme profesionale që i pret studentët e diplomuar në Fakultetin e Sigurisë, të cilët lidhen me segmentet më delikate të vendit, e që është segmenti i sigurisë. Korunovski theksoi se si bashkësi akademike dhe institucione shoqërore përgjegjëse duhet të bëjnë shumë prapa dhe ta ngrenë vetëdijen në një nivel më të lartë, në mënyrë që me mesazhet e dërguara të tregojnë se bashkërisht i qasen dhe i zgjidhin problemet. Kryetarja e Këshillit Republikan për Siguri në Qarkullimin Rrugor,  Gordana Kozhuvarovska, deklaroi se përveç detyrave themelore për promovimin dhe zhvillimin e edukimit në komunikacion, edukimit, kulturës dhe etikës, Këshilli i kushton vëmendje të veçantë veprimeve parandaluese për rritjen e sigurisë edhe të të gjitha kategorive pjesëmarrëse në trafikun rrugor në Republikën e Maqedonisë së Veriut. Duke kujtuar se ky vit shënon 60 vjet ekzistencë dhe punë aktive në fushën e sigurisë rrugore, ai tha se me Ministrinë e Brendshme si partner, çdo ditë organizon dhe zhvillon një sërë fushatash për ndërgjegjësimin e publikut, sjelljen e përgjegjshme dhe respektin reciprok të të gjithë pjesëmarrësve në qarkullim. Sipas saj, bashkëpunimi me MPB-në dhe institucionet e tjera kompetente kontribuon në fushatat dhe aktivitetet e tjera për arritjen e qëllimit për zvogëlimin e numrit të aksidenteve në qarkullimin rrugor dhe të viktimave në të. Muajt ​​prill dhe maj, tha dekani i Fakultetit të Sigurisë, Prof.Dr. Nikolla Dujovski, vlerësohen si veçanërisht të rëndësishëm kur të gjithë duhet të kontribuojnë në ruajtjen e çdo jete, veçanërisht të fëmijëve, të rinjve dhe të studentëve. Jemi të vetëdijshëm, theksoi Dujovski, se jetojmë në një shoqëri në të cilën kultura e qarkullimit rrugor  nuk është në nivel të kënaqshëm, por fuqimisht i mbështesim përpjekjet e MPB-së dhe institucioneve të tjera që me masa të përforcuara, të vazhdueshme, të përhershme parandaluese dhe represive përpiqen që të ndikojnë tek ndërgjegja e secilit prej nesh. Ai iu drejtua studentëve dhe u bëri thirrje që të shfrytëzojnë çdo rast urtësie, siç tha ai, për të ndihmuar secilin prej miqve tuaj dhe të gjithë ata që i njihni, të punojnë në ndërtimin e kulturës së qarkullimit rrugor. Ai u bëri thirrje atyre që të ndjekin nga afër zhvillimet dhe të respektojnë rregullat dhe rregulloret e qarkullimit rrugor. Në kuadër të tryezës së rrumbullakët është nënshkruar sot edhe një Memorandum Bashkëpunimi ndërmjet Fakultetit të Sigurisë.