Veles, 17 shkurt 2025 (MIA) - Prodhimtari më e madhe dhe më cilësore, plasman i sigurt dhe më profit i madh janë vetëm disa nga përfitimet e shoqërimit bujqësor. Bujqit përmes shoqërimit bëhen më konkurrentë në treg. Në këtë drejtim kooperativa paraqet segment kyç për bujqësi me orientim modern, konkurrues dhe eksportues, potencuan ministri i Bujqësisë, Pylltarisë dhe Ekonomisë së Ujërave për promovimin e mundësive për mbështetje financiare të kooperativave bujqësore në Maqedoni.

Ministri theksoi se përgjigjja për bujk të fuqishëm është në kooperativë dhe në këtë drejtim duhet të lëvizë bujqësia e vendit.

"Prodhimi më i madh dhe cilësor, sigurimi i tregut dhe fitimi më i lartë janë vetëm disa nga përfitimet e bashkimit të bujqve. Përmes bashkëpunimit, bujqit bëhen më konkurrues në treg. Në këtë drejtim, kooperativizmi është një segment kyç për një bujqësi moderne, konkurruese dhe të orientuar drejt eksportit. Do të doja të theksoj se bashkëpunimi me Shoqatën Maqedonase të Kooperativave Bujqësore dhe reagimi i shpejtë i Ministrisë kontribuoi në një rezultat pozitiv, i cili çoi në ndryshimin dhe plotësimin e Ligjit për Bujqësi dhe Zhvillim Rural për të rikthyer besimin te kooperativat bujqësore. Hapja dhe transparenca ndaj të gjithë palëve të përfshirë në sektor është një prioritet i rëndësishëm, pasi secili kontribuon me përvoja të ndryshme, dhe çdo kontribut i tyre vlerësohet dhe është i rëndësishëm për Ministrinë. Në këtë drejtim, ne vazhdimisht ndërtojmë platforma dhe strategji të përbashkëta zhvillimi, nga të cilat dalin plane veprimi për të ndërmarrë hapa konkretë”, shpjegoi ministri.

Tripunovski shtoi se ministria mbetet një partner dhe mbështetës i fortë i kooperativave bujqësore, sepse ato janë mënyra e vetme për të tejkaluar problemet që kanë bujqit me shitjen e produkteve të tyre. Përmes kooperativave, prodhuesit do të bëhen më të fortë në treg, do të sigurojnë një prodhim të vazhdueshëm me cilësi të standardizuar gjatë gjithë vitit.

"Është e nevojshme të afrohemi me trendet evropiane, dhe një nga zgjidhjet në bujqësi janë kooperativat dhe organizatat e prodhuesve, me qëllim tejkalimin e sfidave që lidhen me shitjen dhe çmimet e produkteve bujqësore”, theksoi ministri Tripunovski.

Euroambasadori Mihalis Rokas, i cili ishte i pranishëm në ngjarjen e sotme, u ka dhënë mbështetje bujqve të vendit. Theksoi se pas shembullit të BE-së edhe e ardhmja e tyre është në kooperativa dhe u paralajmëroi mbështetje financiare nga fondet e BE-së", të cilën edhe deri më tani ua japin. mb/

Foto: MIA