Ramallah, 27 mars 2024 (MIA) - Tre persona janë vrarë mbrëmë në operacionet e ushtrisë izraelite në Xhenin në Bregun Perëndimor, njoftoi DPA, duke iu freferuar ushtrisë izraelite.

Forcat e armatosura izraelite njoftuan se kanë kryer një operacion antiterrorist mbrëmë në qytet, gjatë të cilit palestinezët hodhën mjete shpërthyese. Ushtarët i janë kundërpërgjigjur zjarrit dhe kanë vrarë një person. Plestinezi i vrarë 19-vjeçar u qëllua në gjoks dhe kofshë, bëri të ditur Ministria palestineze e Shëndetësisë në Ramallah.

IDF gjithashtu komunikoi se sulmoi dhe vrau dy persona të tjerë të armatosur palestinezë në Xhenin, ndërsa zyrtarët shëndetësorë thanë se dy persona u vranë në një sulm izraelit me dron në një kamp refugjatësh atje.

Autoritetet shëndetësore raportuan gjithsej katër palestinezë të plagosur gjatë operacioneve në Xhenin. Qyteti besohet të jetë një bastion i militantëve palestinezë dhe është sulmuar vazhdimisht nga ushtria izraelite, theksoi  DPA. mb/