Tiranë, 21 korrik 2024 (MIA) - Tre persona kanë humbur jetën mbrëmë në një përleshje mes klaneve lokale në jug të Shqipërisë, raportojnë mediat shqiptare.

Objektivi i të shtënave në qytetin Memaliaj të qarkut të Gjirokastrës kanë qenë anëtarët e familjes Kalemi, të cilët ndodheshin në lokalin e një të afërmi.

Dyshohet se sulmuesit kanë qëlluar me breshëri armësh dhe ka mbetur i vrarë Shyqyri Kalemi (74), ndërsa vëllai i tij është plagosur rëndë, raporton "Albanian post".

Në të shtënat humbi jetën kamarieri dhe një klient në lokal.

Ekziston dyshimi se anëtarët e familjes Kalemi kanë marrë pjesë në vrasjen e biznesmenit Edmond Papa në vitin 2022, me ç'rast Shyqyri Kalemi ishte plagosur disa herë.

Pas incidentit policia ka vendosur pika kontrolluese në qytetet Fier, Berat dhe Vlorë, ndërsa në fshatin e afërt është gjetur një automjet i djegur "BMV" të cilin gjoja e kanë shfrytëzuar autorët. sa/ 

Foto: EPA