Uashington, 2 janar 2025 (MIA) - Tre persona e kanë humbur jetën dhe më shumë se 20 janë lënduar në incidentin me fishekzjarr gjatë festimit të Vitit të Ri në Honollullu, Havai.

Sipas raporteve, fishekzjarri i vendosur në tavolinë është përmbysur dhe ka qëlluar drejt arkave me fishekzjarr, të cilat pastaj kanë shpërthyer.

Në vendin e ngjarjes jetën e kanë humbur dy gra, ndërsa e treta ka vdekur në spital, kumtuan mbrëmë autoritetet. Më shumë se 20 persona, mes të cilëve edhe fëmijë janë dërguar në spital me të djegura të rënda dhe lëndime nga shpërthimet. Disa nga të lënduarit janë në gjendje kritike. bsh/