• e enjte, 22 maj 2025
Shqip
  • English
  • Shqip
  • Македонски

Tre persona e humbën jetën në stuhinë që e kaploi Italinë veriore

Tre persona e humbën jetën në stuhinë që e kaploi Italinë veriore

Romë, 18 prill 2025 (MIA) - Sot janë gjetur trupat e dy personave të cilët ishin të paraqitur të zhdukur gjatë stuhisë në Italinë veriore, kumtuan zjarrfikësit, me çka numri i viktimave në atë rajon u rrit në tre.

Trupat e një burri 64-vjeç dhe djalit të tij 33-vjeçar, automobili i të cilit ishte marrë nga ujërat e ardhura, janë gjetur në afërsi të Viçencës në provincën verilindore Veneto.

Kreu i provincë Veneto, Lluka Zaia, i shprehi ngushëllime gruas e cila i humbi burrin dhe djalin dhe tha se është "tragjedi e paimagjinueshme".

Që të dy ishin paraqitur si vullnetarë dhe ihin rrugës për të ndihmuar në operacionet e shpëtimit kur ka ndodhur fatkeqësia.

Një burrë (90) u gjet dje në shtëpinë e tij të vërshuar në Piemont në pjesën veriperëndimore të vendit.

Italinë veriore, si dhe Alpet franceze dhe zvicerane, dje i kapluan reshje të rrëmbyeshme të hsiut të cilat u shndërruan në borë në viset më të larta, që shkaktoi bllokime të shumta në rrugë për shkak të rrëshqitjes së dheut dhe vërshimeve.

Dhjetëra njerëz duhej të evakuohehin nga rajonet e vërshuara, shumica së bashku me kafshët e tyre shtëpiake.

Në luginën Aosta, rreth 5.000 familje mbrëmë mbetën pa rrymë, kumtoi kompania lokale për distribuim të energjisë elektrike. ab/

Fotо: ЕPА

QËNDRONI TË LIDHUR