Uashington, 17 mars 2025 (MIA) - Presidenti amerikan Donald Tramp sot deklaroi se faljet parandaluese të dhëna nga paraardhësi i tij Xho Bajden për disa persona nuk janë të vlefshme.

Disa orë para se të largohet nga detyra më 20 janar, Xho Bajden lëshoi ​​një seri faljesh parandaluese për anëtarët e Kongresit ose zyrtarët që donte t'i mbronte nga "ndjekja e pajustifikuar dhe e motivuar politikisht".

Në këtë mënyrë, ai i siguroi mbrojtje ish-shefit të Shtamdhorisë së Armatës Amerikane, Majk Mili, ish-krijuesit të strategjisë së Shtëpisë së Bardhë kundër KOVID-19, Entoni Fauçi, si dhe anëtarëve të Kongresit dhe zyrtarëve që morën pjesë në komisionin hetimor për sulmin në Kapitol më 6 janar të vitit 2022, kur ata u përpoqën të pengonin përkrahësit e Trampit në fitoren zgjedhore.

“Faljet e dhëna nga Xho Bajden i fjetur për komitetin e pazgjedhur të dhunuesve politikë dhe shumë të tjerë tani janë shpallur të pavlefshme”, shkroi Trampi mbrëmë në platformën e tij True Social.

Pa siguruar prova, Trampi tha se faljet ishin shkruar me një "stilolaps mekanik".

Deri tani nuk janë të qarta implikimet ligjore të këtyre pretendimeve, shkruajnë mediat franceze.

 Trampi, i cili në ditën e tij të inaugurimit premtoi se do të "hakmerret" ndaj kundërshtarëve të tij politikë, dënoi faljet e njerëzve që janë "shumë, shumë fajtorë për krime shumë të rënda". qa/