Atlanta, 22 shtator 2025 (MIA)- Presidenti i SHBA-së, Donald Tramp, mbajti fjalimin më të gjatë në një shërbim përkujtimor për aktivistin konservator Çarli Kirk në Arizona, duke iu drejtuar turmës pasi gruaja e Kirkut, Erika mbajti një fjalim lamtumire.

Ai u ngjit në skenë me këngën “Zoti e bekoftë SHBA-në” dhe e filloi fjalimin e tij duke thënë se Amerika ishte “një komb në shok dhe zi”.

“Më pak se dy javë më parë, vendi ynë humbi një nga burrat më të ndritshëm të kohës sonë, Çarli Kirk. Ai ishte një bashkëshort, një baba, një bir, një i krishterë dhe një patriot. Ai u vra nga një përbindësh i radikalizuar dhe gjakftohtë sepse tha të vërtetën – për lirinë dhe drejtësinë, për Zotin dhe vendin”, tha Trampi.

Trampi e quajti Kirkun martir, duke shtuar se emri i tij do të jetojë përgjithmonë në analet e patriotëve më të mëdhenj të Amerikës. Ai iu drejtua veçanërisht prindërve dhe vejushës së Kirk, Erika, duke shprehur ngushëllimet e tij më të thella dhe duke vënë në dukje se Kirku solli më shumë të mira dhe dashuri në këtë botë në 31 vitet e tij sesa shumica e njerëzve arrijnë të bëjnë gjatë një jete të tërë. Ai gjithashtu i kujtoi turmës fjalët që Kirk thuhet se i tha para se të vdiste: “Ju lutem, zotëri, shpëtoni Çikagon.”

Trampi premtoi të bënte pikërisht këtë – të shpëtonte Çikagon nga një krim i tmerrshëm.

Në fund të fjalimit të tij, Tramp thirri në skenë vejushën e Kirkut, Erika, dhe publiku e përshëndeti me duartrokitje të zjarrta, ndërsa ai foli për vullnetin e Kirkut për të luftuar.

“Mësimi nga jeta e Çarklit është se nuk duhet ta nënvlerësoni kurrë atë që një person mund të bëjë me një zemër të mirë, një kauzë të drejtë, një shpirt të ndritshëm dhe një vullnet për të luftuar, luftuar, luftuar,” tha Taumpi.

Ai shtoi se Amerika duhet të vazhdojë të luftojë për vendin “për të cilin Çarli jetoi, liritë për të cilat ai vdiq dhe vlerat në të cilat ai besonte thellësisht”.

“Çarli ka krijuar diçka të veçantë, Turning point USA, dhe nën udhëheqjen e gruas së tij, Erika, do të bëhet më e madhe dhe më e fortë se kurrë më parë”, tha ai.

Edhe pse fjalimi kishte pjesë emocionale, Taumpi e përdori atë edhe për të dhënë një numër mesazhesh politike. Ai foli për “maniakë të krahut të majtë” të cilët i akuzoi për nxitje të dhunës politike dhe njoftoi se Departamenti i Drejtësisë po hetonte rrjetet e tyre.

“Dhuna vjen kryesisht nga e majta”, theksoi ai.

Ai gjithashtu sulmoi median dhe prezantuesin televiziv Xhimi Kimel, të cilin e quajti të patalentuar pasi ky i fundit tallte deklaratat e Tramp për vdekjen e Kirk. Në fjalim, ai u ndal edhe te Xho Bajden, duke e tallur atë për performancën e tij të paqëndrueshme dhe tha:

“Çarli e dinte se çfarë do të thoshte ta bëje Amerikën përsëri të madhe”.

Trampi shkoi një hap më tej, duke njoftuar se administrata e tij do të gjente “shkakun e autizmit”, duke pretenduar se ishte ilaçi Tylenol i cili është në kundërshtim me udhëzimet mjekësore.

Presidenti njoftoi gjithashtu se Kirku do të nderohej pas vdekjes me Medaljen presidenciale të lirisë. Ceremonia, tha ai, do të mbahej në Shtëpinë e Bardhë “në Uashington shumë të sigurt”, një vend që Kirk thuhet se “respektohet thellësisht”.