Uashington, 11 nëntor 2024 (MIA) - Presidenti i sapozgjedhur i Shteteve të Bashkuara të Amerikës, Donald Tramp ka biseduar në telefon me presidentin e Rusisë, Vlladimir Putin, shkruan "Uashington post", duke u thirrur në më shumë burime. 

Gazeta thekson se Trampi ka biseduar me Putinin të enjten që është biseda e tyre e parë pas fitores së Trampit në zgjedhje, ndërsa një nga temat e bisedës ka qenë lufta në Ukrainë. Sipas burimeve, Trampi ka telefonuar Putinin nga vendpushimi i tij në Florida dhe gjatë bisedës i ka bërë thirrje të mos eskalojë konflikti me Ukrainën. 

Sipas burimeve të "Uashtington post" të cilët dëshirojnë të mbeten anonim, Trampi i kujtoi Putinit praninë e fortë ushtarake amerikane në Evropë.

"Biseda ka pasur për qëllim arritjen e paqes në Evropë, ndërsa Trampi shprehu interesin për biseda shtesë për zgjidhjen e shpejtë të luftës në Ukrainë", thonë burimet e gazetës. 

Ata shtuan se Trampi dhe Putini kanë biseduar për arritjen e paqes në kontinentin evropian dhe se Trampi "shprehu interes që t'i vazhdojë bisedimet mbi temën për zgjidhje të hershme të luftës së Ukrainës". qa/

Foto: arkivi i MIA-s