Nju Jork, 25 gusht 2023 (MIA) - Ish-presidenti amerikan, Donald Tramp, për herë të parë pas më shumë se dy vitesh mbrëmë ka publikuar një postim në rrjetin social “X” (ish-Tuiter), ku ka ndarë foton e tij historike të realizuar në burgun në Atlanta, transmetuan agjencitë botërore.

Tramp në publikimin në foton e tij në burg ka shkruar: “Ndërhyrje në zgjedhje. Mos u dorëzo kurrë!”, duke ofruar një link në ueb-faqen që çon në një faqe për mbledhjen e fondeve, raportojnë mediat amerikane.

Ish-presidenti nuk kishte publikuar mesazh në rrjetin e tij social dikur të preferuar që nga janari 2021. Atij iu ndalua qasja në Tuiter disa ditë pas sulmit ndaj Kongresit amerikan nga mbështetësit e tij, kujtojnë mediat britanike.

Vetëm 50 minuta pas postimit të tij, mesazhi dhe imazhi ishin parë mbi 14 milionë herë.

Urdhri i Trump u rivendos nëntorin e kaluar, menjëherë pasi miliarderi amerikan Ilon Musk mori drejtimin e kompanisë.

Tramp, megjithatë, deri më tani nuk është deklaruar në Tuiter, duke këmbëngulur se ai është më i lumtur në faqen e tij të Truth Social, të cilën e hapi gjatë ndalimit.

Tramp, pretendent aktual për nominimin presidencial republikan, ka thënë prej muajsh se planifikon të kthehet në platformë në atë që ai e quajti "kohën e duhur".

Tramp transmetoi mesazhin e parë në Platformën X teksa po fluturonte me aeroplanin e tij privat nga Atlanta për në shtëpinë e tij të pushimeve në shtetin amerikan Nju Xhers mbrëmë vonë. Më herët në mbrëmje, ai u lirua me kusht 200,000 dollarë pasi kaloi 20 minuta në një burg në Atlanta. ls/