Themeluesi i Telegramit arrestohet në Francë
- Drejtori ekzekutiv i aplikacionit për këmbim të porosive, Telegram, Pavel Durov mbrëmë është arrestuar në aeroportin "Burzhe" në afërsi të Parisit, transmetojnë mediumet lokale.
- Post By Arta Bunjaku
- 11:52, 25 gusht, 2024
![Themeluesi i Telegramit arrestohet në Francë](https://mia.mk/images/20240825115240_big_730x400_69.webp )
Paris, 25 gusht 2024 (MIA) - Drejtori ekzekutiv i aplikacionit për këmbim të porosive, Telegram, Pavel Durov mbrëmë është arrestuar në aeroportin "Burzhe" në afërsi të Parisit, transmetojnë mediumet lokale.
Durov udhëtoi me aeroplanin e tij privat, kumtoi TF1 në ueb-faqen e vet, duke shtuar se Durov është arrestuar në Francë si pjesë e hetimit preliminar policor.
TFq dhe BFM kumtuan se hetimi ishte fokusuar në mungesë të moderatorëve të Telegramit dhe se policia beson se situata e tillë lejon që aktivitetet kriminele të zhvillohen pa pengesë përmes aplikacionit për porosi.
MPB franceze dhe policia nuk e komentoi arrestimin e Durovit.
TF1 lajmëroi se Durov udhëtoi nga Azerbajxhani dhe u arrestua rreth orës 20.
Telegram, selia e së cilit është në Dubai, është themeluar nga Pavel Durov, i lindur në Rusi. Ai u largua në vitin 2014, pasi që refuzoi t'i plotësonte kërkesat për mbyllje të komunitetevee opozitare në platformën e tij sociale, të cilën e shiti.
Durov, pasurinë e të cilit Forbs e vlerëson në 15,5 miliardë dollarë, tha se disa qeveri kanë tentuar t'i bëjnë presion, por aplikacioni, i cili tnai ka 900 milionë shfrytëzues aktiv, duhet të mbetet "platformë neutrale" dhe jo "lojtar i gjeopolitikës". ab/
Fotо: МIА arkivi