Ankara, 11 qershor 2023 (MIA) - Tërmet me magnitudë pesë ballë është regjistruar sot në orën 11:56 në territorin e Turqisë, njoftoi Qendra Sizmologjike Evropiane-Mesdhetare.

Sipas qendrës, tërmeti ndodhi 71 kilometra në veriperëndim të qytetit Kahramanmarash në një thellësi prej 10 kilometrash.

Për momentin nuk ka informacione për viktima apo dëme materiale.

Zona e Kahramanmarashit ishte epiqendra e tërmeteve shkatërruese të 6 shkurtit të këtij viti, me magnitudë 7.7 dhe 7.6 ballë. Më shumë se 50,000 njerëz vdiqën në tërmetet dhe rreth 115,000 u plagosën. sa/

Foto: Arkivi i MIA