Mineapolis, 25 gusht 2025 (MIA) - Tre persona janë vrarë, ndërsa 20 janë plagosur në të shtënat e sotme në një shkollë katolike në pjesën jugore të qytetit amerikan Mineapolis, kumtoi ministria amerikane e Drejtësisë.

Në mesin e të vdekurve është edhe sulmuesi, precizuan autoritetet.

Incidenti ndodhi vetëm dy ditë pas fillimit të vitit shkollor në Shkollën Katolike - një shkollë fillore private me rreth 395 nxënës. 

Policia nga periferia fqinje Riçfild njoftoi se në vendin e ngjarjes është vërejtur një burrë i veshur tërësisht me të zeza, i armatosur me një pushkë. Ai e kreu sulmin gjatë një meshe të mëngjesit ku merrnin pjesë fëmijët.

Televizionet lokale transmetuan pamje të prindërve të shqetësuar që thyenin shiritin e policisë që rrethonte shkollën për të nxjerrë fëmijët e tyre jashtë.

Presidenti amerikan, Donald Tramp deklaroi se është i informuar për sulmin dhe se agjentë të FBI-së janë dërguar në vendngjarje. Ministria e sigurisë së brendshme është në kontakt të vazhdueshëm me autoritetet lokale dhe po monitoron situatën, kumtoi ministrja Kristi Noem.

Personat zyrtarë informuan se në Mineapolis edhe një ditë më parë u regjistruan tre incidente të tjera të armatosura, në të cilat tre persona u vranë dhe shtatë të tjerë u plagosën. ls/

Foto: EPA