Jerusalem, 6 prill 2026 (MIA) - Të paktën shtatë persona u vranë pasi Izraeli rifilloi sulmet e tij në Bejrut dhe pjesë të tjera të Libanit, ndërsa shkëmbimi i zjarrit midis Izraelit dhe milicisë pro-iraniane Hezbollah vazhdoi të sot, njoftoi DPA. Ushtria izraelite kumtoi se për momentin po godet objektiva të lidhura me milicinë shiite Hezbollah në Bejrut. 

Banorët raportuan të paktën tre shpërthime të fuqishme, ndërsa tym i zi i dendur ngrihej mbi periferitë jugore të njohura si Dahija.

Ushtria izraelite më herët u kishte bërë thirrje banorëve të evakuonin pjesë të periferive jugore të Bejrutit. Fillimisht, nuk kishte civilë në zonë, por kohë pas kohe disa janë kthyer për të kontrolluar shtëpitë e tyre.

Një dëshmitar i DPA-në deklaroi se dy ndërtesa u rrafshuan me tokë në zonën Bir al-Abed, ndërsa një ndërtesë u shkatërrua plotësisht.

Sipas agjencisë shtetërore të lajmeve libaneze NNA, të paktën pesë persona u vranë këtë mëngjes në sulme në zonën Nabatija në Libanin jugor.

Dy persona të tjerë u vranë në një sulm të veçantë në luginën Bekaa në lindje. Sulme të tjera shtesë u raportuan në pjesët jugore dhe lindore të vendit.

Ministria e Shëndetësisë së Libanit kumtoi se një sulm izraelit goditi drejtpërdrejt një ekip infermierësh nga Autoriteti Islamik i Shëndetësisë të dielën në mbrëmje në qytetin Haris, në distriktin Bint Xhbeil, duke vrarë dy infermierë, ndërsa duke plagosur rëndë një të tretë.

Ushtria izraelite kumtoi se do të vazhdojë operacionet tokësore në Libanin jugor, duke shtuar se tre anëtarë të Hezbollahut ishin vrarë në luftimet e fundit. Sipas burimeve izraelite, ata ishin përgjegjës për vdekjen e katër ushtarëve.

Hezbollahu, nga ana e tij, kumtoi se kishte kryer sulme të shumta ndaj objektivave izraelite.

Në Libanin jugor, milicia pretendon se ka goditur tanke izraelite dhe ka qëlluar me raketa pozicionet izraelite në Liban, si dhe në objektiva në Izrael. rq/

Foto: DPA